Assalamualaikum wr.wb.
Para rencang
kawula ing 9.6 ingkang kinurmatan.
Puji syukur dhumateng
gusti ingkang murbeng dumadi. Amargi kula lan panjenengan sedaya ing dinten
punika tansah pinaringan rahayu wilujeng. Saengga kula lan panjenengan sedaya
saged makempal dhateng panggenan punika, kanthi mboten kirang satunggal punapa
ugi tebih saking sambekala. Amin!
Perlu
kaaturaken dhateng rencang - rencang bilih ing dinten punika kula badhe matur
bab budaya jawi ingkang kedah dipunuri-uri, sebab kula lan panjenengan sedaya
sami mangertos bilih budaya jawi sak punika sampun kalirwaaken. Ateges
kados-kados budaya jawi sampun mboten wonten ginanipun. Sedaya punika sampun
kawon kaliyan budaya asing, ingkang sakpunika sampun sumrambah ing nagari nuswantara.
Pramila, mumpung dereng kadaluwarsa, sumangga kita sareng nguri-uri budaya
jawi. Budaya jawi punika kathah jenisipun, umpaminipun ingkang kasebut : reog, ludruk, ketoprak, wayang
kulit lan sanes-sanesipun. Budaya jawi punika sampun ngantos ical amargi sakpunika
bangsa asing ugi sami nggladhi budaya jawi, lha! Para mudha mangga, sami ambudi
daya, sampun ngantos kawon kaliyan bangsa manca. Punapa malih budaya jawi
dipunakeni bangsa sanes, wusananipun budaya jawi telas, lha, lak malah cotho!
Kados pundi ?
Salah satunggalipun
tuladha nguri-uri budaya jawi inggih punika ngawontenaken :
-
Lomba-lomba bab budaya
jawi
-
Siaran tv ngagem basa
jawi ingkang sae
-
Ngagem basa jawi ing padinan.
Kados sak punika dinas pendidikan nyaranaken wonten satunggal dinten ngagem
basa jawi ing sekolah lan
-
Ngawontenaken
sanggar-sanggar ingkang nyinaani bab budaya jawi
Para rawuh
ingkang dhahat kinurmatan,
Kados ingkang kula lan
panjenengan raos, para mudha ngganggep bilih budaya jawi utaminipun basa jawi
sampun kuna. Para mudha rumaos lingsem menawi nggangge basa jawi, malah menawi
wonten tiyang ngagem basa jawi dipunwastani katrok, ketinggalan jaman lan ora
gaul. Kedahipun kula lan panjenengan sedaya saged migunaaken basa jawi ingkang
alus lan luwes, saksanesipun basa Indonesia lan basa asing. Dados, tiyang jawi
mboten dipunwastani “wong jawa sing ora ngerti jawane”. Lha supados ngagem basa
jawi ingkang sae, sumangga dipunbiasaaken milai alit, kaliyan dipunagem ing
saben dintenipun. Basa jawi salintunipun sampun dipungladhi ing sekolah,
kedahipun ing njawi sekolah ugi dipunlatih , kadosta maos kalawarti basa jawi,
mirsani tv utawi mirengaken radio ingkang khusus nyiaraken bab budaya lan basa
jawi.
Para rencang
ingkang tuhu dados tepa palupi.
Wusananipun sumangga
sami setya apuji bekti, lan ngeranti sih anugrahaning gusti, mugi punapa
ingkang kita esti, gusti kersaa ngijabahi, amin! Menawi wonten kirang lan
kalepatan anggen kula matur, kula nyuwun lumunturing sih samodra pangaksami,
nuwun.
Wassalamualaikum wr.wb.
#karangan asli
0 komentar:
Posting Komentar